( ياحضرمـوت ) للراحل المحضار
يا حضـرموت الفتن والفـوضويه ** مابينهم خايف تروحي الضحيـه
وإلا يقـع بيـع والبـيعه قـويه ..... من دون دلال
يالله عسى الوقت يتبدل ويصلح من حال لا حال
الـرأي ويـنه فـقـد والمعـقــلـيه ** والوعي تم ما بقـت مـنه بقـيه
وشبابنا ما معاهـم طيب نـيه ..... كـله تهـقـال
يالله عسى الوقت يتبدل ويصلح من حال لا حال
حد ضال يتبع هوى راسه وغيه ** وحد يثرثر ولا عنـده دريـه
وحد على غش نفسه منطويه ..... عالناس يحتال
يالله عسى الوقت يتبدل ويصلح من حال لا حال
كلٍ يفتش كياسه الداخليه ** يشوف شي وسطها والا خليه
من قبل تشرق على راسه الضحيه ..... والغيم ينجال
يالله عسى الوقت يتبدل ويصلح من حال لا حال
يا حضرموت أعملي كوني وفيه ** وأنتي بالله مازلت غنيه
وبالعمل , لاتخدمين القضيه .. بالقيل والقال
يالله عسى الوقت يتبدل ويصلح من حال لا حال
الخميس ديسمبر 31, 2009 2:24 pm