الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 مناقضات شرسه بين شعراء من عتيبة بسبب مشكلة الضفران من قبيلة المرة وحكام قطر

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عاشق الرواعي
كبار الشخصيات
كبار الشخصيات
avatar

عدد المساهمات : 97
تاريخ التسجيل : 21/12/2009

مُساهمةموضوع: مناقضات شرسه بين شعراء من عتيبة بسبب مشكلة الضفران من قبيلة المرة وحكام قطر   السبت يناير 02, 2010 4:38 am


هذه مناقضات حامية الوطيس بن شاعرين من قبيلة عتيبة والسبب مشكلة الغفران من قبيلة المرة وحكام قطر قصد الشاعر سرهيد بن صامل العتيبي يلّوم على بعض القبائل التي لم تتضامن مع الغفران ومن الضمن القبائل التي لّوم عليها قبيلة عتيبة والحقيقة انني اول مرّه اسمع بهذا الشاعرعلم ٍانه شاعر متمكن ومبدع وقام الشاعرجهز بن سيف العتيبي وهوكذلك لم اسمع به من قبل بالرد على قصيدة سرهيد مدافع ٍعن حكام قطروعن قبيلة عتيبة وهوشاعر جيد

وهذه قصيدة سرهيد





قال الالعتيبي قاف، مـا يبـداه بالقـاء السـلام
عسا الذي يرمي السلام اليوم ما ياقـف سليـم
بعد الكلام اللي يرد العيـن عـن حلـو المنـام
ليش الحياة ان ما رفعنا عن بعضنا كـل ضيـم
لومٍ غشا العتبان ، ما هو بـس قحطـانٍ و يـام
عسى شبابه حلفهم بـاقٍ علـى العهـد القديـم
و بعض القبايل وقعت مع وقتها صفقـة سـلام
و لا عندها تفريق بين الربـع و النـد الغريـم
الرجل منهم لو عطيته مشط من و سط الحـزام
ما ثار له لا قـوم جـد، و لا ولـد عـمٍ حميـم
و اللوم كاسيكـم ليـا خليتـوا المـري يضـام
هدر الكرامة و الشهامه يجـرح الشهـم الكريـم
وش ذنبه المري يرحّل من بعد خمسيـن عـام
يوخذ شبابه و المشيـب يـرد للصحـرا يهيـم
قولوا: يهود المانيا بالقـدس مـا قلتـوا حـرام
و انتـه تـودد للَّعيـن اللـي بمسجدهـا مقيـم
وهذي ديار جدودنا من قبل يـا حضـرة غُـلام
اللي وصلها من بلوشستان و اصبح من( تميـم)
قبيلة ٍ من ضيع أصله طـب فيهـا مـن شْمـام
عزيـزة كـل يبـي مـن عزهـا و الله عليـم
و انتم عريبيـن النسـب لكـن يغشاكـم مـلام
و ليا قبلتوا خذلـة الغِفـران مـا فيكـم حشيـم
وش سر صبر الهاجري؟ ماهزته نخـوه و قـام
لا خط مكتوب احتجاج و لا وقف عنكـم خصيـم
وين الشيوخ اللي تشيل بشوتها شـرقٍ وشـام
ناموا عساها نومة اهل الكهف و اصحاب الرقيم
لـولا التفكـك يـا قبايلنـا العزيزيـن الكـرام
ماصبح بعضكم لعبةٍ يَدْله بهـا الـورع الفطيـم
خل الترجي، ما يفيـد مـع المناجيـس الكـلام
ما هو بحاسـب للتوالـي عَـلّ جـده للجحيـم
خلوا الرجا في روسكم و اللـي يقصـن العظـام
و ان راد ربك، و فق الرامي، و اخذ نفس البهيم
أرموا لباس الذل عنكم و اعركوا خشـم العـرام
و لا اقعدوا و ابكوا ، عسى تشفع لكم، دمعة يتيم




وهذا رد الشاعر جهز على سرهيد





قال العتيبي قـاف مبتـداه التحيـة واحتـرام
تحية الاسلام مفروضـة مـن الـرب الرحيـم
تاصل لذربين الرجال اهـل المعـزة والوسـام
لهل المعالي والمراجـل والمواطـن والمقيـم
من بعد ذا قريـت شعـر فيـة لفـة وانتقـام
حيلة ضعيف قالها التزويـر وابليـس الرجيـم
تمشي تحت ستر الخيانـة واللعانـة والظـلام
من مدلهم القـول تجتـاح المسامـع بالضليـم
حنا عتيبة مانحـب الميـل وضعيـف الكـلام
تاريخنـا مايكتبـة سرهيـد بالفكـر السقيـم
اللي تطـاول بالكـلام الغـث عاليـن المقـام
انشهـد انـه لاصـدوق ولاكريـم ولافهـيـم
مايقص الذم اللئيم من الرجـال اهـل السنـام
اهل الشرف والمعرفة والمجد من عهـد قديـم
بيت الشرف مايلحقه من ناقص المعنى هـدام
ماهزته كلمـة حقـود جابهـا شاعـر غشيـم
من عاش بالحيلات يجمع بيـن كفينـه حطـام
ان مات مذموم النبا وان عاش ماقالـو حكيـم
لاياقليـل المعرفـة مقيـود قيـد بلاخـطـام
تلوذ عن قول ن تقوله مثل ماشروى الحريـم
ان كان في راسك نعارة يالخمام بـن الخمـام
افصح عن اسمك وانتهج نهج السراط المستقيم
خللك على وضح النقا مثل الشطير من الحسام
ولاّتفضل بالسكـوت وشـم ذعـذاع النسيـم
مانته لسان القوم يالمندسْ فـي يـوم العسـام
انته تعيش بظل وافيـن المراجـل فـي نعيـم
والحـر مايشبـه بطبعـه للحبـاري والنعـام
والطيب مايشبه ردي القـول والقـدح الذميـم
واختامها لاغصـن زيتونـة ولاربـد الحمـام
ابشعل الحرب الضـروس وبسمـك الله كريـم
واليوم ياوجيـه القبايـل يالعزيزيـن الحشـام
حنا ترانا فالمواقـف مـن تميـم وفـي تميـم




وهذا رد سرهيد على جهز





سلام يا هـل المنتـدى، منـي تحيـة و احتـرام
و اخص، من لا ظن ، في سرهيد بالظـن الاثيـم
العضو خالد ، نشكره، و نقول يـا القـرم لهمـام
اسلم و دم ، جعلك ، من النمـات و الغيبـه سليـم
و الثانيه يا اهل المنابـر ، جابنـي نظـم الكـلام
قيل ٍ من المدعو جهـز يسـب مـدري يستضيـم
و اقول له ، لن كان جاك ضغوط ، من شان الدوام
لا خير في دار على جرف ٍ ليا امسى اصبح هشيم
دار ٍ، تجنس فالزنـوج ، و رحلـت صبيـان يـام
و استبدلت روس العرب ، بالعلج و العبـد الزنيـم
ما قـدرت روس الرجـال اللـي يقـدون الجهـام
و لا قدمت غيـر العجـم ومخلفـات ابـو شكيـم
ارحل و هاجر يا جهز، قص الرسن حـف الزمـام
و الله لو اني في مكانـك و الله الشاهـد مـا قيـم
ما اجلس و اناظر فالقوافل، بالطريق الهـا ادحـام
قبيلة صما صميمـه، بـا وسـط الصحـرا تهيـم
ارحل ، تخير فالخليج ، اللـي نزيلـه مـا يضـام
الشيخ جابر، فالكويت، و دار عيسـى مـا تضيـم
لعمـان ، و لا دار زايـد ، جعـل زايـد للرحـام
عساه في جنات عـدن ، ومنـزلٍ صـدق ٍ كريـم
و ين انت عن دار السعود ، و حامي البيت الحرام
عبدالله الغالي سديد الـراي ، و ان تـاه الحكيـم
اترك بلاد ٍ، كل ما اقفى عام ، جا ها شيـن عـام
ما يامن الرجـال فيهـا، لـو تشوفـه فـي نعيـم
اليـا وفيـت لحاكـم ٍ فيهـا ، وحرّمـت الحـرام
انك رفيقـه بالشـد ايـد، لـو يحـول بالجحيـم
تحمي حماه من الخطر ، تدرا قفـاه عـن المـلام
من عقبها تجحـد فعولـك كنـك مسـوي جريـم
عامين و لا حولهـا ، و يجيـك مرسـوم اتهـام
انك من اللي خانوا الشيـخ الجديـد مـع القديـم
و انك جريمتك الوفـا، يـوم الحـدوا فيـه اللئـام
و ان انك مرحل من ديار ، حكمهـا مـا يستديـم
و اصبح وفاك اجرام، و اخلاصك ، جعل بيتك هدام
و ليا اشتكيـت لمـن؟ حريـم و اشبـاه الحريـم
هذا و لا ارذل من بهـم للجـود منقـع، و التـزام
الخير فيهم ، جعل بيت الجـود مـا يمسـي هديـم
و اما قصيدك يـا جهـز، رتـب بيوتـه بانتظـام
و ارض النفوس بهجونا، صب الهجا صب الحميـم
ردي على شتمك، و ظلمك ، يا جهز "برد و سلام"
يقول سرهيد العتيبـي يـا جهـز مانـت بخصيـم
اسم العتيبي ، يا جهز، معتقك، و بصـدرك وسـام
دامك عتيبي، نحتمل منـك الخطـا مانتـب غريـم
حنا عتيبه، و اسمنـا، مكتـوب مـع خيرالاسـام
يوم اسم بعض الناس فيـه العـوج دايـم تستقيـم
حنـا سـلاح للشدايـد، بامنـه الـدولـة تـنـام
و لا الرخا ، ما همنا من جـا يقـول انـه زعيـم
نكره ، فعول الغـدر ، نفـرح بالوفـا و الاعتـزام
و في كـل دار حقوقهـا كـل ٍ عطـاه الله قسيـم
و النـاس منبعهـا، و ابوهـا آدم، نبـي ٍ للانـام
ترثة نبي و اشراف، بامر العـادل البـر الرحيـم
لكن ،فـرق بينهـم ، فعـل الفواحـش و الاثـام
و احد ٍ رعا عشب الحيا، و احد ٍ على النبت الوخيم
احد ٍ دروبه كلهـا مشـي ٍ مـع الـدرب الحـرام
و احد ٍ يوجّه و جهه الطاهـر لزمـزم و الحطيـم
و احد ٍ على قطع اللحم و احدٍ علـى قطـع اللحـام
و احدٍ ، يحاول يبتني مجده ، و أحد ْ مجـده قديـم
و احدٍ يعز الجار ، و ان جا الضيف يفرح به هَمام
و احد دخيله ، تنغرز بـه خنجـر الليـل البهيـم
احذر من اللي ، يا جهز، ما حولهـم مجـد يـرام
احذر تجي كنـك يتيـم ٍ فـوق مـا ئـدة اللئيـم
و ان كان رغم العفو عنك، الحقد في خاطرك حـام
اظهـر مكانيـن الضمايـر لا تخلـي الجـو غيـم
و ان قلت لي ، ربعك تميم ، اقول لك طيـب تمـام
افزع بهم، حل المشاكل ، كان صـادق يـا فهيـم
تميم عندي ، غاليه ، لـو سـام منسبهـا الهـلام
و ليا ادعى احدٍ بالشرف ماحدٍ من الاشـراف ليـم
و راعي و زيرستان ، ما حطك محامي ، عن غُلام
اللي نصاكم من بلوشستان و اصبـح مـن تميـم
قبيلة من ضيع اصلـه ، طـب فيهـا مـن شمـام
عزيـزة كـل يبـي مـن عزهـا و الله علـيـم
هذا و قول الطيب، يا هل المنتدى ، مسـك الختـام
ارسلـت باقـة ورد تحملهـا ذعاذيـع النسـيـم




وهذا رد جهز على سرهيد





قال العتيبي سرهـدي يـا ام القوافـي بنتضـام
دكي حصون التايه اللـي هـز وجـدان الحكيـم
تغطرسي على حـدود الباغـي الغـث الحـرام
اللي تجاوزكل حـد مـن الادب واصبـح نقيـم
اخذي علـى داره كـذا لفـه ودوره وانقسـام
صبي على راسه ردي القـول والقبـح الحميـم
اللي درق في سد ذربين الرجال اهـل الحسـام
واصبح يكيل الشتـم لرجـال المعـزه والعديـم
معروف يا شروى النساء والهرج عنوان الكلام
معروف والكلمه تخصك دون ما تعنـي الكريـم
ندري ان في ربعك رجـالٍ تستحـق الاحتـرام
ولا انت في طبعك تجي في طبع مريومه وريـم
ما انتـه تمثـل فالمواقـف لاحشيـم ولاحشـام
ولا انته تمثـل فالمواقـف لاحشـام ولا حشيـم
لا فـرق مابينـك و بيـن ام الزميـم والزمـام
بالضبط في عينـي مثـل ذات الزميـم والزنيـم
ام القـلاده والوسـاده والبريـقـع والـغـرام
نشميـةٍ يشتاقهـا فـي بـارد الليـل الوسيـم
الى متى وانته كـذا منـدس فـي سـد الكـرام
يا نعنبوا رايك تـرى رايـك هـذا رايٍ عقيـم
منهجك منهـج واحـدٍ مـا يستحـق الاحتـرام
عارٍ على ربعك ترى رايـك ماهـو رايٍ فهيـم
عيبٍ على مثلك يجي ضربه تحت حـد الحـزام
اللي شرب من كف غيره بشـروه بكـل ضيـم
احسن لك البس برقع اختك واستريح من الخصام
ولا البس اعقال الرجال وخلـك النـد الخصيـم
طبعك كذا طبع الجبـان وفيـه خسـه وانهـزام
ما انته عتيبي يا قبيح القـول يالوجـه الذميـم
انته تجي في سدنـا حيلـة ضعيـفٍ مستظـام
يوم اغلقوا دونك حدود الدار يا بليـس الرجيـم
ما ودي افصح عن قبيلتـك الكريمـه يالخمـام
ولا انت معروف النبا شروى الحرام من الحريم
حنى على عز ومعـزه كـل حـال وكـل عـام
في ظـل دولتنـا قطـر دار الكرامـه والكريـم
في ظل ابومشعل حمـد رمـز التقـدم والسـلام
اللي رفع من مستوى شعبه وعاشو فـي نعيـم
دار الرجال اهـل المعـزه والكرامـه والكـرام
تاريخها يشهد لها مـن سالـف العهـد القديـم
وحيلتك هذي مـا توصـل لاهدفـك ولا المـرام
ورعٍ قبـل حـد الفطـام يدلعـونـه يالفطـيـم
يا معقـب الفنجـال مالـك لانصيـر ولا مقـام
كذاب في قولك غلام وصـار قايـد مـن تميـم
يكرم على شيخ الرجال اهل المعالـي والوسـام
يستاهل المدح الموقـر راعـي العليـا العديـم
وانته يا بو ذمه وسيعه جيت شـروات المـدام
تـذم ولا مـا تـذم العاقبـه علـمـك وخـيـم
حتى ايش لو تنشر قبيح الذم في شـرقٍ وشـام
عنزٍ تناطـح فالجبـل ولا الجبـل دايـم مديـم
هذي قطر ورجالها تكـرم عـن افعـال اللئـام
واللي تبين مـن كلامـك حقـد ينطقـه اللئيـم
كنك على باب الـردى دايـم كـذا قبـاض زام
ما تدري انك في عيون الناس معـروف وبهيـم
وارجع واقول اللي يعـد الحـق لايمكـن يظـام
اللي يظام اللي دروب الخير عـن دربـه تهيـم
والله بلانا فيك ياللـي صايبـه نـوع انفصـام
يوم اطبقت بقعا عليه اصبـح يـون ويستضيـم
ما يدري ان الوقـت مايرحـع ولا ياقـف امـام
ما اخبلك يا شاعر على غفلـه وذا فكـرٍ سقيـم
ومن عاش بالحيلات يجمع بيـن كفينـه حطـام
ان مات مذموم النبا وان عاش ما قالـوا حكيـم
واختامها لاغصـن زيتونـه ولا ربـد الحمـام
ابشعل الحرب الضـروس وبسمـك الله ياكريـم
واليوم يا وجيـه القبايـل يالعزيزيـن الحشـام
حنى ترانا فالمواقـف مـن تميـم وفـي تميـم




وهذا رد سرهيد على وقد غيّر القافيّه





جز يا جهز لا تزج بجزة الجـزاز جِـز يـا جهـز
ترا سلوك اللغب توشك تنـوش الكهـرب العاليـه
وانا مقدر ظروفك، يا عتيبـي مـا تركتـك عجـز
لكن اشوفك تجاوزت الحـدود بضـرب الامثاليـه
طالبك مطلوب لا تقعد تقز الشـرق و الغـرب قـز
تحمد الله، ترا نفسي عليـك مـن الزعـل خاليـه
لو بس ما الله خلق في وادي الميقات شجرة كـرز
و صارت نسب وافد ٍ عنده موضّا الحـاج برياليـه
ما صرت انا و انت فرجة بلحط ٍ ما تلبس الا الشمز
اللي بعضهم همايا مـن طـرف كِـرلا و بنغاليـه
و لو كل كلب نبحنا ثـم خزينـا عـلا بيـه خـز
اصبح مخز الجعر، فالسـوق دايـم قيمتـه غاليـه
و انا للاه انت و الله ثم والله، ما اخشره في ملـز
خيلي ميا دينها اكرم من خيـول الهجـره التاليـه




وهذا رد جهزعلى سرهيد





لو جيت تبغاااا ترز الخيط عمر الخيط ما يرتكز
التاليه يا حلال القـوم جتـك اليـوم متواليـه
واللي برز بالردى ما كن علمه مع العالم بـرز
وشلون اجل لو علومه صارت اليـوم بطاليـه
حتى ايش لو اتقى في سدنا وانهزم واحتـرز
ما يتقي غيـر ذات المستحـى وام خلخاليـه
بالامس تهـدر وصـرت اليـوم كنـك خـزز
يوم احترق وجهـك العابـس بنـارٍ صاليـه
كان انت تاكل حصاء حنى ترانا نعـد الخـرز
والله لتبطي ونفسك بالـردى غيـر متشاليـه
خسئـت.. تغلـب قصيـدٍ بالصحيـح اعتنـز
وشلون وانته من العز عاري وتلبس الباليـه
وانا عتيبـي عريـب الجـد واسمـي جهـز
ولا يتقي غيـر ذات المستحـى وام خلخاليـه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مناقضات شرسه بين شعراء من عتيبة بسبب مشكلة الضفران من قبيلة المرة وحكام قطر
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1
 مواضيع مماثلة
-
» احمرار العين وعلاجه
» (( النزيف ــ من الأنف والأذن والفم ))
» - التواء رسغ اليد :
» صداع الرأس انواعه علاجه أسبابه نصائح
» وفاة داودي عبد الحي با تبلكوزة

صلاحيات هذا المنتدى:لاتستطيع الرد على المواضيع في هذا المنتدى
الشاعر طلال بن قفله :: بن قفله للمساجلات والزوامل-
انتقل الى: