الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 وش عاد ينفعك ياماسك بتاليها(للشاعر يسلم بن عكوك)

اذهب الى الأسفل 
كاتب الموضوعرسالة
عاشق الرواعي
كبار الشخصيات
كبار الشخصيات
عاشق الرواعي

عدد المساهمات : 97
تاريخ التسجيل : 21/12/2009

مُساهمةموضوع: وش عاد ينفعك ياماسك بتاليها(للشاعر يسلم بن عكوك)   السبت يناير 02, 2010 4:08 am


يا راس لاتنحني وانته بحيـد اطخـم
من فوق لي فوق في عالي روابيهـا

من حيث لاساد تسكن والنمـر لدهـم
في دقم فوق الخرابه عـوق اعاديهـا

دقم الشرف والنقا حتى الحجر صمـم
مايقبـل الهافيـه ولايجـي فيـهـا

ياحصن شمسان في دسمالـك اتعمـم
من فوق غلبك يرف فعـلا سواريهـا

اهدوه لك لـي لهـم تاريـخ ماينـذم
لبطال لـي قلبـو اسفلهـا اعاليهـا

لجواد حد منهم يكـوي وحـد يعلـم
من عهد لجـداد مابـردت مكاويهـا

علوجة الحرب فيش الحلـو والعلقـم
ماهي من اليوم راجع عهـد ماضيهـا

لجلش بدع هاجسي بالشعـر واترنـم
وجاوبتـه الحليلـه مـن قوافيـهـا

عادات قدها لها وقـت الطلـب تنهـم
تبدع في الصـدق ماحاجـة تخبّيهـا

ولاتجـامـل ولاتـخـزى ولاتهـتـم
مادام قدها بعصمة من عشـق فيهـا

نفـداش يالغاليـه برواحنـا والـدم
شلي ثياب الفرح جمبـش عواديهـا

حاكو هدومش حرير اخضر عيال العم
صولي وجولي وزفي وسـط ناديهـا

لوغاد هم يحسبونش بنت بـا لعسـم
خابت نوايا الـذي تصفـق اياديهـا

قصرت عن العز.. خضعت للكدر والهم
لاماتت الجازيـة وش عـاد يحييهـا

لاروّحت وانتهت خليـك ف المخيـم
وش عاد ينفعـك ياماسـك بتاليهـا

مايفهم ان بعد عرفه يدخـل امحـرم
شف سود ليـام ماتامـن شواضيهـا

والباقطيّان قد جعبـل بغـض يسلـم
منشـان حرمتـه مايبغـي يبكيـهـا

هو خوه لكن يحب لي خدهـا امنعـم
خل المخوى يبي الحلـوه يراضيهـا

منشانهـا مايبـي مرعـي ولاهيثـم
ولايفـكـر لبايعـهـا وشـاريـهـا

راضي بحب الغشر والسوس والجردم
مالـه وللبـر قـد بـرّك سوانيـهـا

يمكن نسي يوم صب الدلو والمـرزم
اخوته كلن وصل مـن قبـل يدعيهـا

لابد يجي يوم من بعد الطـرب ينـدم
ويلعـن ايـام لـي مـرت وطاريهـا

قدهم يقولون من كل لحم جـم يتخـم
يتحـمـل آلام مايـقـدر يداويـهـا

ياكـم وياكـم وياكـم قبنـا يـاكـم
غرتـه ليّـام لـي ماكـان ياعيهـا

ايام حلوه شبع فيهـا القبـل والضـم
في حجرها ضمته واسقتـه صافيهـا

سحبته لاصوبهـا واعطتـه مايلـزم
ولحّستـه البغيّـه مـن مجانيـهـا

وبعد جابتله الحلتيـت هـو والسـم
واسقته لمّا شبع.. هـذي تواليهـا؟!

غشيـم مايتّعـظ مايـدرس المعجـم
لو يعرف اصقورها ماكـان شاويهـا

جات الحليلـه وانـا مـاودي اتكلـم
وصلت تعاشي وانا ماريـد اعاشيهـا

اتت من الحصن.. قالت قبـل يتهـدم
رمّمه يحميـك لاخصبـت مناشيهـا

وختمها عطر من باريس جـا امختـم
رشّوه فوق الـذي يعـرف معانيهـا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
وش عاد ينفعك ياماسك بتاليها(للشاعر يسلم بن عكوك)
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الشاعر طلال بن قفله :: بن قفله للشعر الشعبي-
انتقل الى: