رقــم الـحـرارة مرتـفـع عـاطـول كورنـيـش الـعـروس --كـدّر علـى العشّـاق سمـرات الشـواطـيء والجـلـوس
مـن قـال ( جـدّة غيـر ) ولهـا قـدر غالـي فـي النفـوس --فالقـلـب مــن بـعـد الـوطـن والـــدار يتـقـطّـع بـمــوس
مـن عايـش الغربـة وشـاف الجـعـث فيـهـا والكـلـوس --بـيـقــول ودْرة لـلـدراهــم والـمـشـاخـص والـسـلــوس
باسْري نصـاف الليـل مـن غربتـي باعطيهـا النسـوس --بـاحـل جـبـل لاحـقـاف ذي تـحـتـه مـــزار الـعـيـدروس
حيـث الحضـارة فـي خلوفـة عــاد مغـروسـة غــروس --يشـهـد بـهـا الــزوّار والـسـوّاح مـــن كـــل الـجـنـوس
يــاتــون مــــن إيـطـالـيـا وألــمـــان يـاتــوهــا وروس --لا شـاهـدوهــا حــبّــوا الـمـبــراد فـيـهــا والـجــلــوس
فـكــيــف لا ذي تـربـيـتـهــم عــاثــراهــا والـــدحـــوس --ربّـــت وخـبّــت واشبـعـتـهـم بـالـمـواعـظ والــــدروس
سـاروا إلـى الغربـة وراء جـمـع الـدراهـم والفـلـوس --بـعـد الطـمـع ثلثينـهـم منـشـوب غـــارق لا الـحـبـوس
بابيـع قسـمـي فــي الـسـلا واسبـابـه الـحـظ العـكـوس --ذي هـــو مخلّـيـنـي لـهــث بـيــن النعـيـمـي والـتـيـوس
واتـدمّـرت غـيّـات فــي راســي وهــي كـانـت تـحـوس --تشبـه مـواج البـحـر ذي تلـعـب بــه الـريـح النـسـوس
حسفة على الفن ذي مضى زحي المواهب والهجوس --بـعـد الخضـيـرة قــد شـجــاره فـــي مـذاريـهـا يـبــوس
ذي ينقـدون الـضـرب وردود المـيـازر فــي الـخـروس --قـلّـوا وضيّعـهـم جـديـد الـوقــت واطمـسـهـم طـمــوس
حتّـى الفـرح ذي فـي قلـوب النـاس يـدرج والحسـوس --الـيــوم دفـنـتـه الـهـمـوم الجـاثـمـة فــــوق الـنـفــوس
كم من سلي خاطر يعض صابعه من تحـت الضـروس --حسفـة علـى المـاضـي وزيـنـه والتكـاتـف بالخـمـوس
وعلـى التراحـم ذي حصونـه تـفـرح الـوجـه العـبـوس --فـيـهـا ظـلالــه يـــوم تـشـتــد الــحــرارة والـشـمــوس