قويتو يالربع اشحالهم بخير---بدع من بومطلق التميمي وجواب من شاعر عوبثاني----
بومطلق التميمي---
ببدا بذكر الله وعالذكر الحكيم
اللي خلق لانسان وقصده يذكره
والسير عانهج الصحابه بالكليم
والقول عاغصن الشجار المثمره
من دار بوتمام قد جيتك عزيم
ان كان شي وارد معك باتقتدره
من صاحب الدنيا على الوجه العميم
يمكن يحصل من معالمها اغبره
واللي رفع راسه وصاحب من تميم
يبشر بزين اللي نخاها مدبره
وانته الا يالعوبثي يابن الكريم
من صاحبك يفخر بزود المفخره
مبناك شامخ معتلي خلفك سنيم
ذيب الصحاري بالليالي المغدره
النذل لاحاول على العوبث يهيم
تحرم علي عيشة اذا بان استره
القصد يالصاحب ترى واضح سليم
لي مايجمل مع خويه نحقره
والختم بالابيات عسى ربي يديم
حب المعزه بيننا والمقدره
جواب العوبثاني-----
الحمد لله وهو الحي العليم
ويعلم ما خلق في البحور المظلمه
ارسل رسوله يهدي للصراط المستقيم
خير الشريعه والمعجزات المحكمه
وحيا بمن جانا من بني تميم
بالكنش والباروت بجمل مدخله
لا همي الدنيا ولا ما بها من نعيم
ما همني الا رضاه والخلد في جنته
وانا العوبثاني من خاواه ماهو نديم
وبسقيه من نايفات المزون المبرده
والتميمي يشهدله التاريخ من زمن لقديم
ونعم المخوه واسعد في صحبته
حر ابن حر وأنا اخوك ولا يحده الغيم
ويحول الركب في سربه وقت الملزمه
وقل لابو مطلق الشهم وقوله حكيم
مثل الذهب واللول في الصناديق الممكنه
والتميمي شامخ مرتحل ولا مقيم
ونعم الشهامة مثل النجوم المزهرة
والختم صلى على الرسول الامي اليتم
عداد ماهل الغيث وانبت مشجرة